خیبرپختونخوا حکومت نے صوبے بھر میں جگر اور بون میرو ٹرانسپلانٹ سینٹرز قائم کرنے کا فیصلہ کرتے ہوئے کہا ہے کہ اس اقدام سے رہائشیوں کو معیاری صحت کی سہولیات کی فراہمی یقینی بنائی جائے گی۔

منگل کو یہاں جاری ایک سرکاری بیان کے مطابق، وزیر اعلیٰ علی امین خان گنڈا پور نے محکمہ خزانہ کو ترجیحی بنیادوں پر مراکز کے لیے فنڈز جاری کرنے کی ہدایت کی۔

یہ فیصلہ وزیراعلیٰ ہاؤس میں وزیراعلیٰ کی زیر صدارت محکمہ صحت کے اجلاس کے دوران کیا گیا۔

شرکاء میں کابینہ کے ارکان سید قاسم علی شاہ، مزمل اسلم اور مشال یوسفزئی، چیف سیکریٹری ندیم اسلم چوہدری، محکموں کے انتظامی سیکریٹریز اور صحت کے شعبے کے ماہرین بشمول ڈاکٹر عبدالوہاب ڈوگر، ڈاکٹر تقی، ڈاکٹر پرویز اور ڈاکٹر ممتاز شامل تھے۔